Во Скопје пронајден арсенал од оружје, уапсени двајца осомничени за нелегална трговија

Секторот за внатрешни работи Скопје поднесе кривична пријава против Г.М. (36) од Скопје за сторено кривично дело „неовластено изработување, држење, посредување и тргување со оружје или распрскувачки материи“, и против А.М. (42) од Скопје за кривично дело „соизвршителство“.

При претрес на 17.10.2024 во домот и помошните простории на Г.М., полициските службеници пронашле и одзеле голем арсенал оружје и муниција. Меѓу запленетите предмети се наоѓаат автоматска пушка со две рамки, револвер „Смит“ 357, пиштол „Сиг“ 226 со една рамка, пиштол „Берета“ калибар 9 мм со една рамка, ловна пушка, пиштол „Блов“ калибар 9 мм, како и 409 куршуми со различен калибар. Оружјето Г.М. го набавил од второпријавениот А.М., а го чувал без соодветна дозвола.

The post Во Скопје пронајден арсенал од оружје, уапсени двајца осомничени за нелегална трговија appeared first on 24info.mk.