Саудијците му нудат на Винисиус една милијарда евра по сезона

Винисиус Жуниор, несудениот добитник на Златната топка, добил неверојатна понуда од Саудиска Арабија, пренесуваат медиумите во Шпанија.

Не се наведува за кој клуб станува збор, но се тврди дека Бразилецот, би имал невидена плата во светот на спортот. Според „Футмеркато“, на Винисиус му бил понуден петгодишен договор вреден една милијарда евра по сезона.

Тоа би било четири пати повеќе од од она што годишно го заработува во моментов ајплатениот фудбалер во светот, Кристијано Роналдо. Португалецот во Ал Наср има плата од 263 милиони евра годишно.

Бразилецот исто така би добил „одврзани раце“ да ја крои трансфер политиката, нешто што до пред неколку месеци го правеше Килијан Мбапе во ПСЖ.

Винисиус Жуниор би станал и заштитно лице на Светското првенство кое треба да се одржи во Саудиска Арабија во 2034 година.

Винисиус пристигна во Реал во 2018 година. Тој одигра вкупно 279 натпревари и постигна 91 гол. Тој освои две ЛШ и три шампионати на Шпанија. Минатата недела тој заврши на второто место на гласањето за Златната топка.

Известувајќи за нестварната пнуда што ја добил Бразилецот, шпанските медиуми пишуваат дека евентуалниот потпис на договорот би се случил по завршувањето на сезоната 2025/2026.