Се чувствувате како да „паѓате“ додека заспивате? Еве што се крие зад тој феномен

Речиси и да нема човек кој не доживеал ненадеен грч пред или за време на сонот и да почувствувал дека „паѓа“. Дали некогаш сте се запрашале зошто се случува ова?

Хипнички потрес

Овој феномен е познат како хипнички потрес. Најчесто се јавува кога мускулите на нозете (иако тоа може да се случи во кој било друг мускул) почнуваат брзо да се стегаат.

Иако сè уште не е целосно разбрано зошто тоа се случува, претходните истражувања покажуваат дека хипничното грчење имало најмалку две функции во текот на еволуцијата, од кои едната е многу корисна и денес.

Имено, ова ненадејно будење не „присилува“ уште еднаш да погледнеме во околината и да се увериме дека нема опасност и дека можеме безгрижно да заспиеме.

Друга функција на ова грчење било да им дозволи на нашите предци да ја проверат положбата на стабилноста на телото пред целосно да заспијат. Тоа било особено корисно во античката историја, кога луѓето спиеле во природа.

Водечка теорија сугерира дека хипничниот грч е само симптом на нашиот активен физиолошки систем кој конечно, иако понекогаш неволно, попушта на нашата желба за спиење, преминувајќи од активна и доброволна моторна контрола во состојба на релаксација и евентуална телесна парализа.