Највисока награда за Прилепското друштво од Сиднеј – доделена од град Прилеп

По повод 80 години од Денот на ослободувањето на Прилеп, на Свечена седница на Советот на општината Прилеп, синоќа беа доделени традиционалните Трето-ноемвриски награди на најзаслужните граѓани, компании и здруженија во општина Прилеп. Австралиско Македонското Друштво Методија Андонов – Ченто од Сиднеј беше предложено од голем број на училишта и културни работници од градот за хуманитарни дејности и заслуга за негување на традициите за  Награда – Плакета, по повод 3-ти Ноември, Денот на ослободувањето на Прилеп на: Австралиско-Македонско друштво „Методија Андонов-Ченто“ од Сиднеј за негување на традициите и донации за најмладите во спортот. Наградата во име на друштвото ја прими г-н  Гоце Бумбароски .

Членовите на друштвото по повод овој настан имаа можност да се обратат до присутните гости , прилепчани и градот Прилеп

Инаку, чествувањата по повод 80 годишнината од ослободувањето на Прилеп од фашистичкиот окупатор, под мотото „80 години со љубов за Прилеп“ градот го започна неколку дена порано, со низа културни и спортски манифестации и со полагање венци и свежи цвеќиња на спомениците од хероите, кои своите животи ги дале за слободата на Македонија со што Прилеп достоинствено ја чествуваше 80 годишнината од Денот на своето ослободување.