Снежна идила близу Скопје – Козјак побеле

На само 40 километри од Скопје може да се види вистинска снежна идила. На Козјак веќе е формирана снежна покривка, а љубителите на снегот и чистиот воздух може вистински да уживаат во оваа убавина која ја имаме денеска.

Инаку според најновите метео прогнози снегот кој од утринава паѓа во делови од централните, источните и од североисточните предели од Македонија, ќе продолжи до крајот на денов, а ќе го има и во текот на ноќта кон утрешниот ден.

Се очекува формирање на нова снежна покривка со висина од 1 до 5 cм, локално и до 10 cм снег. На повисоките места снежната покривка би можела да биде и поголема.

И во деновите кои се пред нас ќе имаме уште постудено време, исто така ќе има нови повремени врнежи од дожд, додека на повисоките места и на планините ќе врне снег. Повторно можна е појава на повремен снег понекаде и на местата со помала надморска височина (во населените места).

The post Снежна идила близу Скопје – Козјак побеле appeared first on 24info.mk.