Путин го честита Божик: „Овој светол празник што сите го сакаат ги инспирира луѓето на добри дела и намери“

Божиќ служи за воспоставување духовни вредности и морални насоки, истакна Путин.

Рускиот претседател Владимир Путин испрати божиќна честитка до православните верници и ја посочи улогата на црковните организации во војната во Украина.

– Од срце ви го честитам Божиќ. Овој светол празник што сите го сакаат ги инспирира луѓето на добри дела и намери, служи за воспоставување духовни вредности и морални насоки како милост, сочувство, добрина и правда во општеството – рече Путин.

– Црковните организации имаат приоритет во меѓуетничкиот и меѓуверскиот мир и хармонија во нашата земја, грижата за оние на кои им е потребна помош и ги поддржуваат нашите борци кои учествуваат во специјална воена операција. Таа голема, навистина самопожртвувана работа е достојна за најискрена почит – додаде Путин.

Путин го истакна придонесот на Руската православна црква и другите конфесии во Русија за единството на општеството, зачувувањето на историјата, семејното образование и зајакнувањето на институцијата семејство.