Арсенал ќе го пречека Манчестер јунајтед во ФА купот

Фудбалерите на Арсенал и Манчестер јунајтед ќе се сретнат во третото коло од ФА Купот, беше одлучено со денешната ждрепка.

Третото коло е првото коло во кое се вклучуваат и најсилните тимови од Премиер лигата, а ждрепката веднаш ги спои Арсенал и Манчестерј, како и Астон Вила и Вест Хем.

Манчестер сити помина добро, ќе го пречека нисколигашот Салфорд, исто како и Ливерпул кој го пречекува Акрингтон, додека Челзи ќе му биде домаќин на Моркамб.

Натпреварите од третото коло во ФА Купот се закажани за 10, 11, 12 и 13 јануари.

Титулата ја брани Манчестер јунајтед кој во ланското финале го совлада Манчестер сити.