НБА доаѓа во Европа од сезоната 2026/2027

НБА лигата е се поблиску до Европа и формирање на посебна лига, а како што пренесуваат „Релево“ и „Блумбер“г, новото натпреварување би можело да стартува од сезоната 2026/27.

Според информациите, НБА веќе стапила во контакт со клубови како Панатинаикос, а се чека реакција од Реал Мадрид и Фенербахче.

Шпански „Релево“, тврди дека НБА и ФИБА постигнале напредок во разговорите во претходните месеци за што поскоро формирање на новото натпреварување.

Се нагласува дека со формирањето на новото натпреварување се НБА и ФИБА „гледаат“ кон земји како Англија, Франција, Шпанија и Германија.

Има јасни планови, а клучните состаноци за формирање на нова европска лига треба да се одржат во Париз кон крајот на јануари.

Наредната година НБА ќе биде во „градот на светлината“, на 23 и 25 јануари во Париз ќе играат Индијана Пејсерс и Сан Антонио Спарс.