Ќерката на Михаел Шумахер и нејзиниот партнер го очекуваат своето прво дете

Три месеци по интимната венчавка која делумно ја криеја од јавноста, Џина Марија Шумахер (27) и нејзиниот сопруг Иан Бетке го очекуваат своето прво дете.

Ќерката на легендарниот Формула 1 возач Михаел Шумахер на социјалните мрежи ја откри радосната вест за бременоста, но и полот на бебето.

„Нестрпливо го чекаме доаѓањето на нашето мало девојче“, напиша таа во натписот на објавата на која се гледа малото коњче.

До него има многу розови балони, што укажува дека во семејството доаѓа ќерка, како и натпис дека девојчето треба да се роди во април.

Под објавата за новото засилување, веднаш во коментар беа објавени бројни честитки и желби.