Страшна несреќа: камион влета во толпа луѓе пред крематориум, загинаа 17 лица (ВИДЕО)

Несреќата се случила по полноќ (16 часот по Гринич) во селото Таолинг, околу триесетина километри југоисточно од градот Нанчанг во провинцијата Џиангкси.

Според Новинската агенција ,,Хина” ожалостените чекале пред преполниот крематориум. Тие оставиле свеќи и храна покрај патот, вообичаен ритуал за покојникот, додека следниот ден чекале да влезат во крематориумот.

Причината за несреќата се истражува, јави Ксинхуа.

Многу од жртвите биле од Таолинг.

Во извештаите на локалните медиуми не се споменува дали крематориумот бил зафатен поради огромниот бран на инфекции што ја зафати Кина.

По речиси три години заклучување, масовно тестирање и задолжителен карантин, Кина се откажа од својата строга политика со нулта стапка на Ковид-19 на 7 декември.

Оттогаш, најнаселената земја во светот бележи брз пораст на бројот на инфекции, особено кај постарите лица и оние кои страдаат од хронични заболувања.

Болниците се преполни, крематориумите работат без престан. Според проценките, досега загинале десетици илјади луѓе. Пекинг престана да ги објавува бројките на заразени лица.