Кадиров: Западната помош за Украина е функционална шема за перење пари

Лидерот на Чеченија, Рамзан Кадиров, рече дека помошта од Западот за Украина е функционална шема за перење пари.

– ,,Гледам дека некои се загрижени за странската помош за Украина. Тоа е лага. Ова е функционална шема за перење пари. Западните и украинските функционери ќе ги проневерат овие средства, а не повеќе од 15 отсто од целата помош ќе стигне до рововите” – напиша Кадиров на својот канал Телеграм.

Кадиров истакна дека нема потреба да се грижите за воените дејствија кои моментално се одвиваат на руска територија.

– ,,Тоа се наши региони кои решија да се приклучат на нашата држава за да го заштитат својот народ од сатанистичките дејствија на украинските и НАТО националистите”– истакна Кадиров.

На 6 јануари САД објавија нов пакет помош за Украина во вредност од над три милијарди долари. Белата куќа наведува дека помошта ќе биде директно од резервите на Пентагон, а ќе вклучува оклопни возила „Бредли“, самоодни хаубици, оклопни борбени возила МРАП, ракети за противвоздушна одбрана и друго оружје и муниција.