Скопјанец пронајден починат на постојка во Кисела Вода

59-годишен скопјанец вчераутро бил пронајден починат на автобуска постојка во општината Кисела Вода, соопшти МВР.

„На 27.01.2025 во 07.40 часот во СВР Скопје било пријавено дека на автобуска постојка на подрачјето на Кисела Вода бил пронајден починат В.В.(59) од Скопје. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција“, велат од полицијата.

Екипа од СВР Скопје извршила увид на местото.