АВТОМОБИЛ ПРЕГАЗИ ПРИЈАТЕЛ НА НАЈБЛИСКИОТ СОЈУЗНИК НА ПУТИН: Продолжува серијата мистериозни смртни случаи на руски функционери

Поранешниот премиер на рускиот регион богат со нафта загина откако во него удри автомобил додека ја преминувал улицата.

Магомед Абдулаев (61), близок до поранешниот руски претседател Дмитриј Медведев, бил хоспитализиран, но починал од тешки повреди во градот Махачкала на Каспиското Море.

Украина веднаш сугерираше дека ова е последниот во серијата руски смртни случаи во текот на изминатата година, во кои доминираше војната на рускиот претседател Владимир Путин, пишува Дејли Мејл.

Абдулаев, кој беше и поранешен ректор на Државниот педагошки универзитет во Дагестан, ја минуваше улицата Магомед Гаџиев кога автомобил Нива го покоси.

Возачот наводно има 55 години, но не е откриено дали е приведен или уапсен.

Според извештаите, Абдулаев го поминувал патот на илегално место.

Тој беше премиер на регионот Дагестан богат со нафта од 2010 до 2013 година, а беше назначен кога Медведев беше претседател на Кремљ.

Според извештаите, Медведев, инаку близок сојузник на Путин, но и жесток блогер за војната во Украина, го познава уште кога биле студенти на Државниот универзитет во Санкт Петербург.

Медведев (57) моментално е заменик на Путин во рускиот Совет за безбедност, а го нарекуваат и негов најблизок политички сојузник, на чело на неговата партија Единствена Русија.

Телеграм каналот Правда Герашченко, управуван од украинскиот функционер Антон Герашченко, објави: „Уште една мистериозна смрт на руски функционер“.

„Автомобил го собори поранешниот премиер на Дагестан во Махачкала и го усмрти.“

Руските медиуми јавуваат дека Магомед Абдулаев (61) станал жртва на сообраќајна несреќа кога го преминал патот на погрешно место.

Неговата смрт дојде помалку од два месеци откако човекот на Путин во окупираниот Херсон, Кирил Стремусов (45) загина во сообраќајна несреќа кога неговиот блиндиран Лексус беше кренат во воздух.

Русија е погодена од голем број „сомнителни“ смртни случаи – многу поврзани со енергетскиот сектор – откако тензиите ескалираа пред инвазијата на Путин на Украина во февруари 2022 година.

Богатиот политичар Николај Петрунин – наречен рускиот „Гас Вундеркид“ – имаше само 47 години и беше во кома еден месец кога почина во октомври.

Мултимилионерот, татко на три деца, поранешен директор на индустријата за гас, наводно починал од компликации поврзани со тежок случај на коронавирус.

Тој беше заменик-претседател на моќниот комитет за енергија на рускиот парламент, лојалист на Путин и „политички штитеник“.