Девојка со интересен транспарент на протест во Србија насмеа многумина

Низ Србија се одржуваат масовни протести, а пред два дена во Лазаревац на повик на матуранти голем број граѓани излегоа на улиците да дадат поддршка на студентите кои протестираа и да им оддадат почит на загинатите при уривање на настрешница во Нови Сад.

Меѓу демонстрантите се издвои една девојка која држеше транспарент со интересен натпис, кој стана вирален хит на социјалните мрежи.

„Не го сменив поранешниот, но ќе го сменам системот“, пишува на транспарентот кој насмеа многумина. Во коментарите под објавата на фејсбук се огласи и наводниот автор на пораката.

„Транспарентот е мој. Дозволете ми да објаснам. Поранешниот е поранешен затоа што не сакал да се смени и затоа е логично поранешен. А системот не функционира и мора да се промени, разбирате?“, објасни таа во коментарите, а многумина напишаа дека нејзината порака е една од најоригиналните што ги виделе на протестите.