Полицијата уапси Германец во возилото носел дрога, солзавци, метална палка, воки-токи, ножеви…

Вчера во осум часот наутро на граничниот премин Табановце, на влез во државата, полициски службеници го лишиле од слобода 49 годишниот Т.В. од Сојузна Република Германија.

„При контрола во возилото опел со германски национални ознаки, кое го управувал, биле пронајдени и одземени бела прашкаста материја, дробилка, шише исполнето со течност, пет ножеви, метална палка, 10 боци солзавец, електрошок, две радио врски и други предмети за кои постои сомнение дека потекнуваат од кривично дело. Лицето било предадено во СВР Куманово за понатамошна постапка и по целосно документирање на случајот, против него ќе биде поднесена соодветна пријава“, информираа од МВР.