(Видео) Интер го елиминира Лос Анџелес, два гола на Меси

Фудбалерите на Интер Мајами се пласираа во полуфиналето на Купот на шампионите КОНКАКАФ. Во реваншот Интер го победи Лос Анџелес со 3:1.

Лос Анџелес победи со 1:0 во првиот натпревар, а во реваншот поведе со голот на Арон Лонг во деветтата минута.

Во 31. минута, по интервенција од ВАР собата на Лионел Меси му беше поништен гол од сободен удар, а четири минути подоцна Аргентинецот успеа да го изедначи резултатот.

Аргентинецот потоа му асистираше на Ноа Ален за водечкиот гол во 61. минута. На Луис Суарез шест минути подоцна му беше поништен гол поради офсајд, а Меси ја обезбеди победата во 84. минута со гол од пенал.