Уставен ќе расправа за спорната одлука на Општина Карпош за изградба на бензинска пумпа кај базенот „Младост”

Поради интерес на повеќе медиуми и невладини организациии ве информираме дека Уставниот суд на денешната седница одлучи да поведе постапка за Одлука на Советот на Општина Карпош од од 03.03.2022 година за донесување на ДУП за Градска четврт 3. 04, Блок 3 04.05.

Со поведувањето на постапката Уставниот суд изразува сомнеж во уставноста но и законитоста на Одлуката за ДУП со кој се предвидува изградба на бензинска пумпа спроти базенот „Младост” во општина Карпош на дел од сообраќајната инфраструктура.

Имено, Уставниот суд во оваа фаза оцени дека тој ДУП не е во согласност со ГУП на Град Скопје, нешто што е предвидено во содржината на Законот за просторно и урбанистичко планирање, но го оценува и како спротивен на владеењето на правото. Дополнително, на денешната седница е одлучено да се запре извршувањето на поединечни акти или дејствија што се преземаат врз основа на оспорената Одлука, или воведена е т.н. времена мерка која се додека Уставниот суд не донесе конечна одлука.

Подносител на иницијативата: Наташа Шурбановска

The post Уставен ќе расправа за спорната одлука на Општина Карпош за изградба на бензинска пумпа кај базенот „Младост” appeared first on 24 Инфо.