Ердоган ги критикуваше земјите кои станале засолниште на терористите

„Би сакал со жалење да изразам дека некои од земјите со кои сме под покривот на НАТО, Советот на Европа или ОН, се претворија во засолништа за бандити кои бегаат од турската правда“, рече Ердоган.

Турскиот претседател Реџеп Таип Ердоган ги критикуваше земјите кои станале засолниште на терористите кои бегаат од правдата на Туркије.

„Крвавите убијци кои го одземаат правото на живот, што е најосновно човеково право, се заштитени под изговор на политички азиланти и можат слободно да ги водат своите животи без да бидат подложени на никаква правна истрага“, изјави Ердоган.

„Би сакал со жалење да изразам дека некои од земјите со кои сме под покривот на НАТО, Советот на Европа или ОН, се претворија во засолништа за бандити кои бегаат од турската правда“, рече Ердоган на Меѓународната конференција на Омбудсманот во главниот град Анкара.

Во врска со терористичката организација ФЕТО и нејзиниот водач Фетула Ѓулен со седиште во САД, Ердоган рече: „Како што е познато, водачот на ФЕТО, кој уби 252 наши граѓани на 15 јули и го бомбардира нашиот Парламент и претседателската зграда, може да продолжи да ја надгледува неговата терористичка организација од неговата палата во Америка.“

Терористичката организација ФЕТО стои зад неуспешниот обид за пуч на 15 јули 2016 година во Туркије, во кој загинаа 251 лице, а 2.734 беа повредени.

ФЕТО стои и зад долготрајната кампања за соборување на државниот поредок преку инфилтрација на свои приврзаници во турските институции, особено во војската, полицијата и судството.

Ердоган изјави дека членовите на терористичката организација ПКК, по кои се трага со црвена потерница, може да организираат протести во центарот на Европа под покровителство на полицијата и да ги напаѓаат турските граѓани и претставници.

Настаните во Париз го сочинуваат последниот пример за тоа, рече Ердоган, додавајќи: „Се надевам дека инцидентите што ја покажуваат грешката во разликата помеѓу добрите и лошите терористи ќе започнат нова ера во борбата против тероризмот.“

TRT BALKAN MACEDONIA