Азир Алиу ќе биде предложен за министер за здравство

Првиот вицепремиер на Владата, Изет Меџити, пред состанокот на коалицијата Вреди истакна дека Арбен Фетаи ќе остане заменик-претседател на Владата за добро владеење, додека коалицијата за министер за здравство ќе го предложи Азир Алиу.

„Во раководството на Вреди е усвоено дека Арбен Фетаи останува заменик-претседател на Владата за добро владеење, додека за министер за здравство ќе биде предложен Азир Алиу, а за другите позиции ќе се одлучува во наредните денови“, изјави Изет Меџити.