(Видео) Брутална тепачка на фудбалери во Србија

ТВ 5 Ужице на својот Фејсбук профил објави видео од крајот на натпреварот помеѓу Спартак (Чачак) и Слобода (Ужице), кој се играше во рамките на Втората Западно-моравска младинска лига. На крајот се случи масовна тепачка.

Според српските медиуми, целиот натпревар бил напнат бидејќи се играл за шампионот на лигата, а сè кулминирало кога судијата означил крај во 93-та минута.

Фудбалерите на Слобода победија со 2:1 и се пласираа во повисок ранг, а потоа тргнаа да слават. Славејќи еден од нив најпрвин влезе во вербална, а потоа и физичка пресметка со својот соперник. Потоа се вклучија и други.

Десетици луѓе беа на теренот, меѓу нив и публиката која го нападна судијата. Вака изгледаше она што ТВ 5 Ужице го опишува како „незапаметена тепачка“.