(Видео) Меч без грешка за Халибартон – Победа ги дели Пејсерси од големото финале

Индијана Пејсерс се првиот тим во финалната серија на Источната конференција што победил дома, во Индијанаполис ги победија Њујорк Никс со 130:121 (43:35, 26:29, 33:27, 28:30) и поведоа со 3-1 во серијата.

Несомнениот херој на оваа победа е плејмејкерот Тајрис Халибартон, кој за 38 минути на паркетот постигна 32 поени (11/23 од поле и 5/12 за три) со 12 скока, 15 асистенции и четири украдени топки, а овој трипл-дабл на 25-годишникот кој играше за САД на Олимписките игри во Париз е уште поимпресивен кога се знае дека натпреварот заврши без изгубена топка.

Халибартон стана третиот кошаркар во историјата кој одиграл натпревар со најмалку 30 поени, 15 асистенции и 10 скокови. Претходно тоа им успеало само на Оскар Робертсон и Никола Јокиќ, но е првиот во историјата што го направил тоа без загубена топка.

Она што сè уште треба да го загрижува тимот од „Големото јаболко“ е повредата на центарот Карл-Ентони Таунс, кој го заврши натпреварот по повредата на левата нога, а постигна 24 поени и имаше 12 скока.

Следниот натпревар е закажан за ноќта од четврток кон петок. Доколку Никсите слават во Медисон Сквер Гарден, шестиот ќе започне точно два дена подоцна во Индијанаполис.