Кога е подобро? Еве дали треба да ги земате лековите пред или после оброк

Има разлика

Се разбира, нема едноставен одговор. Меѓутоа, како општо правило, треба да го земате лекот на празен стомак (еден час пред оброк или два часа потоа), освен ако во упатствата не е поинаку наведено.

Зошто се препорачува да се зема лекот пред јадење?

Бидејќи земањето апчиња после јадење може да влијае на начинот на кој желудникот и цревата го апсорбираат лекот. Ефективноста на лековите може значително да се намали.

Грејпфрутот е добар пример за намирница која може да влијае на дејството на таблетата. Се меша со некои од ензимите одговорни за разградување на лековите, што доведува до зголемено количество на лекот што се акумулира во вашето тело. Зголемената количина на лек доведува до несакани ефекти.

Ако антихипертензивен лек се акумулира, може да почувствувате опасен пад на крвниот притисок. Овие проблеми може да се појават и со лекови на рецепт и со лекови без рецепт, вклучувајќи антациди, витамини и апчиња на база на железо.