Двајца кандидати за нов тренер на Интер

Фудбалскиот клуб Интер интензивно трага по нов тренер. Вчера, клубот објави дека Симоне Инзаги си заминува, откако доживеа дебакл со тимот во финалето во Лигата на шампионите.

Италијанските медиуми тврдат дека Интер има две опции. Наводно во игра се двајца тренери кои имаат работа, Сеск Фабрегс (Комо) и Роберто Де Зерби (Олимпик Марсеј).

Инсајдерот Фабрицио Романо наведува дека клубот ги контактирал менаџерите на двајцата тренери и дека разговорите/преговорите веќе започнале. Се забележува дека познатиот милански клуб ќе разгледа и други опции, но Фабрегас и Де Зерби се главните кандидати.

Во вторник, Интер објави дека меѓусебно ја прекинал соработката со Симоне Инзаги, кој ги водеше „нероаѕурите“ од летото 2021 година. Под негово водство беше освоено едно Скудето (2024), два италијански купа (2022, 2023), три италијански Суперкупа (2021, 2022, 2023).