Пронајдена дрога при претрес во Кочани – приведено едно лице

Вчера во 16.05 часот во Кочани, полициски службеници од ОВР Кочани го лишија од слобода А.Ѓ.(28) од Кочани.

При претрес во неговиот дом, извршен со наредба на Основен суд Кочани, пронајдени и одземени се марихуана и предмети со остатоци од бела прашкаста материја.

Лицето, соопшти МВР, е задржано во полициска станица и по целосно документирање на случајот, против него ќе биде поднесена соодветна пријава.