Претрес во Гевгелија, пронајдена дрога, приведено едно лице

На 04.06.2025 во 13.50 часот во Гевгелија, полициски службеници од ОВР Гевгелија го лишија од слобода Б.М.(46) од Гевгелија.

При претрес во неговиот дом и помошни простории, извршен со судска наредба, пронајдени и одземени се марихуана, дробилка со остатоци од марихуана, мобилен телефон, нож и други предмети за кои постои сомнение дека потекнуваат од кривично дело.

По целосно документирање на случајот, против него ќе биде поднесена соодветна пријава.