НЕВИДЕН ЛУКСУЗ: Кога Кристијано сака да јаде, ГО ЗАТВОРААТ ЦЕЛИОТ МОСТ и ставаат маса на средина!

Кристијано Роналдо и неговото семејство добија кралско сместување во главниот град на Саудиска Арабија.

Познатиот фудбалер, кој во Ал Наср ќе заработува нереални 200 милиони евра годишно, ужива во луксузниот апартман на најлуксузниот хотел во Ријад, пренесува британски „Дејли мејл“.

Роналдо и неговото семејство живеат во познатата Кралска кула, една од највисоките згради во Саудиска Арабија.

Португалецот го доби најновиот стан кој се простира на два ката и има најспектакуларен поглед на целиот град.

Цената на овој апартман не е ни наведена на официјалната веб-страница на хотелот, тој е резервиран исклучиво приватно и може да го добијат само најексклузивните гости. Се проценува дека сметката за Роналдо и неговата придружба ќе надмине 280 илјади евра додека не биде префрлен во неговиот постојан дом.

Британските медиуми пренесуваат дека станот во кој живее Португалецот е распослан на речиси 1000 метри квадратни и дека е поголем од станот во кој претходно живеел во Велика Британија додека бил член на Јунајтед.

Покрај нереалниот панорамски поглед на Ријад, сместувањето има огромна дневна соба, работна соба, елегантна трпезарија, просторија за складирање, медиумска соба…

Во Кралската кула, Роналдо и членовите на неговото семејство можат да уживаат во најдобрите јадења од Кина, Јапонија, Индија и Блискиот Исток. Во хотелот се вработени најдобрите готвачи кои постојано ќе му бидат на располагање на познатиот Portoalco.

Џорџина нема да мора да го напушта хотелот за да ужива во шопинг, а за релаксација има луксузен спа центар со сауна, парна бања, масажи…

Ако двојката сака да ужива во романтиката, може да го користи и ресторанот „Скај бриџ“, кој се наоѓа на врвот на Кралската кула и е една од најпопуларните туристички дестинации во Ријад. Раководството на хотелот му ветило на Португалецот дека ќе го затворат ресторанот за јавноста и ќе постават маса на средината на мостот, доколку славниот ас сака приватност со својата избраничка.