Украина соопшти дека нејзините војници се борат против промосковските сили во источниот град Соледар и дека повеќе од 500 цивили, меѓу кои и деца, се заробени во градот.
Во видео обраќањето во четвртокот, украинскиот претседател Володормир Зеленски им се заблагодари на двете единици во Соледар, за кои рече дека „ги држат своите позиции и му нанесуваат значителни загуби на непријателот“. Тој не даде повеќе детали.
Зеленски рече дека тој и високите украински команданти ја анализирале потребата од засилување во Соледар и околните градови во источната индустриска област позната како Донбас и следните чекори за наредните денови.
Руската ултра-националистичка приватна група Вагнер, предводена од сојузник на претседателот Владимир Путин, тврдеше дека го освоила Соледар по интензивните борби што го оставија градот преполн со мртви Украинци.
Москва, сепак, го одложи официјалното објавување на победата, што ќе беше нејзин прв значаен успех по шест месеци.
„Во моментов има уште некои мали џебови на отпор во Соледар“, рече Андреј Баевски, руски локален политичар, во пренос на интернет.
Гувернерот на Доњецк Павло Кириленко изјави за украинската државна телевизија дека 559 цивили останале во Соледар, вклучително и 15 деца, и не можеле да бидат евакуирани од предвоената заедница од околу 10.000.
Следете не, не има насекаде