Дванаесет години помладата убавица ја изгуби главата поради Момоа: „Не сакам ништо повеќе од тебе“

Џејсон Момоа ужива во друштво на својата девојка која е 12 години помлада од него – и се чини дека чувството е взаемно…

По разводот од познатата актерка Лиза Бонет, холивудскиот шармер Џејсон Момоа започна романтична врска со девојка која е 12 години помлада од него, порториканската актерка Адрија Архона.

Често можеме да ги видиме заедно на големи настани, а тие не ја кријат својата љубов дури ни на социјалните мрежи.

Само една објава на Инстаграм предизвика лавина од коментари и реакции од корисниците на мрежата.

Имено, Џејсон неодамна го прослави својот 46-ти роденден, а честитки и добри желби пристигнаа од целиот свет. Сепак, најубавата ја доби од неговата девојка Адрија, која е лудо заљубена во него.

„Среќен роденден, љубов моја. Нема ништо што сакам повеќе од животот покрај тебе. Значи, на здравје за уште една година див и слободен живот и вечна младост. Те сакам толку многу, бејби“, напиша Адрија и објави неколку фотографии со својот сакан.