Почина Душко Чифлиганец по несреќа на мото-трка во Чешка

Македонскиот бизнисмен и пасиониран мото-ентузијаст Душко Чифлиганец, син на Ванчо Чифлиганец, загина по тешка сообраќајна несреќа на мотоциклистичка трка во Брно, Чешка.

Несреќата се случила за време на натпревар, кога Чифлиганец изгубил контрола во свиок со голема брзина и излетал од патеката. По повеќе од 24 часа борба за живот, лекарите не успеале да го спасат.

Чифлиганец беше заменик-претседател на „Адора Бизнис Групација“ и коосновач на Adora Prime Capital. Покрај деловниот ангажман, беше активен учесник на мото-трки и добитник на неколку признанија.

Неговата смрт претставува голема загуба за спортската и деловната заедница.