Александра Пријовиќ ги израдува своите обожаватели: објави фотографија со трудничкиот стомак

Српската пејачка Александра Пријовиќ одбројува до раѓањето на нејзиното второ дете. Сепак, таа најде малку време да им се обрати на своите обожаватели…

Иако ретко објавува фотографии од својот приватен живот, регионалната ѕвезда Александра Пријовиќ овој пат направи исклучок. Неодамна, таа ги израдува многуте обожаватели на Инстаграм со фотографија од своето трудничко стомаче.

Како што можете да видите, пејачката е во напредна фаза од бременоста и гордо позираше пред објективот на камерата. За таа пригода, таа носеше бел фустан со цветни мотиви, а стајлингот го комплетираше со едноставна шминка во „голи“ тонови и дискретни додатоци.

Зраците на сонцето што паѓаа на нејзиното лице исто така беа впечатливи, откривајќи нежна насмевка.

Во описот на објавата, таа стави емотикон во форма на песочен часовник, што симболизира само едно нешто – одбројување до второто раѓање. Нејзината објава доби голем број позитивни реакции.

„Најубавата бремена жена на светот“, „Нека е среќна“, „Принцеза“, се само некои од коментарите…