Убиство во раните утрински часови пред казино во Кавадарци

Едно лице, родено во 1982 година, е убиено во тепачка што се случила утринава пред казино во Кавадарци.

Информацијата за МИА ја потврди доктор Антоан Паракеов, раководител на Службата за итна медицинска помош.

– Точно е, имаше убиство при тепачка пред казино утринава. Станува збор за смртоносни повреди на глава. Наша екипа доби повик и веднаш беше на лице место, но констатира дека лицето беше починато, без знаци на живот – изјави докторот.

Полицијата работи на расветлување на случајот.