(ВИДЕО) Ѓоковиќ: Сакам да бидам најдобар во историјата

Најдобриот српски тенисер по минатогодишната депортација се враќа во Австралија

Новак Ѓоковиќ досега има девет титули на Австралија опен, а сега цели кон десеттата. Тој е играчот кој најмногу пати го освоил Австралија Опен, што многу му значи.

Доколку ја освои титулата ќе се изедначи со Рафаел Надал по бројот на Грен слемови. Шпанецот моментално е на чело со 22 трофеи.

„Сакам да бидам најдобар и тоа ме мотивира да продолжам да играм професионален тенис. Сакам да ги освојувам најголемите турнири во светот. Нема тајни за тоа. Нема ништо поголемо од ова. Имате четири Грен слемови кои се историски најголемите настани во овој спорт“, рече Ѓоковиќ на почетокот на прес-конференцијата, а потоа продолжи:

„Една од главните причини поради кои едвај чекав да се вратам во Австралија беше мојот настап овде. Навистина ми се допаѓа да играм во Род Лејвер Арена, особено навечер. Имав многу успеси и се надевам дека ќе можам да продолжам со тоа и оваа година“.

Ѓоковиќ додаде дека е задоволен од неодамнешното учество во Аделаида каде ја освои 92-та титула во кариерата.

„Ми се допаѓаат шансите што ги имам овде. Тренирам напорно како и сите овде. Има многу млади луѓе кои се многу гладни и кои сакаат да победат. Сакаат да го земат вашиот скалп на големиот терен. Го знам тоа. Искуство затоа што сум бил во овие и порано, тоа ми помага затоа што тогаш го имам вистинскиот пристап да ги правам работите на вистински начин бидејќи знам дека кога сум подготвен играм најдобро од себе и на овој терен имам големи шанси против секого“.