Трагедија во родниот град на Меси! Аргентински млад талент застрелан во глава: Се бори за живот

Страшен настан ја шокираше Аргентина само неколку недели откако „гаучосите“ го освоија Светското првенство во Катар.

Младиот фудбалер Лаутаро Рончи кој има 18 години е тешко повреден по пукање во Росарио, родниот град на Лионел Меси.

Младиот Аргентинец годинава постигна 12 гола, а беше застрелан додека се дружеше со пријател во средата попладне во кафуле. Неговиот пријател починал од тешки повреди, а Рончи е во критична состојба.

Аргентинските медиуми открија дека Рончи се напил со својот пријател Ерик Дијаз во средата попладне. Во еден момент во кафулето влегла вооружена група луѓе и почнала да пука со огнено оружје во кафеаната. Младиот фудбалер бил гаѓан со седум куршуми, од кои еден го погодил во главата.

Рончи моментално е во критична состојба во болницата за итна помош во Росарио. Тој итно бил опериран, а аргентинскиот „TyC Sports“ тврди дека Рончи моментално е во кома и е на вентилатор. Неговиот живот моментално е во опасност, додека од повредите почина неговиот пријател Дијаз.

Неговиот клуб на социјалните мрежи објави дека секој што е во можност да ја посети болницата „Клементе Алварез“ да појде и да дарува крв за младиот фудбалер.

Заменик директорот на болницата изјави дека Рончи претрпел оштетување на централниот нервен систем и доколку успее да се опорави, не се знае какви ќе бидат последиците по неговото тело.