(ВИДЕО) СКАНДАЛ НА ОСТРОВОТО ПОРАДИ СОСТОЈБА КОЈА МОЖЕ ДА ВЛИЈАЕ ВРЗ ИСХОДОТ НА ЦЕЛО ПРВЕНСТВО: ОВА Е НАЈЛОШАТА ОДЛУКА ДОСЕГА!

Видовме неверојатен пресврт во дербито на Манчестер, но и гол кој може да го насочи „ловот“ на титулата.

Во дербито на Манчестер од 20. коло на Премиер лигата, фудбалерите на Манчестер Јунајтед го совладаа Сити со 2:1 на Олд Трафорд со голем пресврт за кој допрва ќе се зборува.

Тоа беше деветта победа по ред за Јунајтед во сите натпреварувања, Премиер лигата, ФА Купот и Лига купот, додека Сити загуби втор пат по ред. Се можеше да биде поинаку бидејќи Сити водеше со 1:0 до 78. минута, но домашните го свртеа резултатот и победија со двата брзи гола на Бруно Фернандеш и Рашфорд.

На Островото многу ќе се зборува за овој пресврт, бидејќи Фернандеш го постигна првиот гол по очигледниот офсајд? Се случи ситуација каква што ретко се гледа во фудбалот – Рашфорд ја прими топката во фор, но тој беше јасно во офсајд. Сепак, напаѓачот на Јунајтед не ја допре топката, трчаше по неа и практично ја чуваше со телото додека Фернандеш не ја зеде и погоди за 1:1.

КОНТРОВЕРЗНАТА СИТУАЦИЈАТА ПОГЛЕДНЕТЕ ЈА ТУКА

Судиите со мало задоцнување го покажаа офсајд, но ВАР се вклучи и го призна голот. Само неколку минути подоцна, во 82. минута домашните поведоа. Гарначо нафрли пред голот на гостите каде Маркус Рашфорд беше незаштитен и лесно го постигнува победничкиот гол од непосредна близина.

Првиот гол предизвика скандал на Островото, жестоки реакции стигнаа од сите страни, а се огласи и стрелецот Бруно Фернандеш.

„Бев свртен кон голот, не знаев дали некој од нас е во офсад, а Маркус виде дека сум во подобра позиција и ми дозволи да го изведам ударот. Немаше никакво влијание бидејќи немаше никој блиску до него. Сега изгледаме како тим. Секогаш е важно да се победи. Не е важен противникот. Важно е само да се победи. Голем тимски напор“, заклучи Фернандеш.

Сепак, добар дел од јавноста и стручните коментатори на Островото не се согласуваат со мислењето на португалскиот напаѓач. Угледниот новинар Џордан Елгот тврди дека тоа била најлошата судиска одлука во историјата на лигата.

„Ако Рашфорд не ја градеше топката, Едерсон ќе можеше да ја земе. Рашфорд не престана да ја штити топката додека Фернандеш не ја зеде и не даде гол. Ова е најлошата одлука во Премиершип досега, и ќе одигра огромна улога во потрагата по титулата“.

Пеп Гвардиола како и обично дипломатски одговори:

„Маркус Рашфорд е во офсајд, Бруно Фернандеш не. Рашфорд го одвлече вниманието на нашиот голман и централните бекови“, рече Гвардиола, но тој всушност не кажа ништо. „Така е. Знаеме каде играме. Тешко им е на судиите на овие стадиони“, прокоментира уште еднаш Шпанецот.

Дури и тренерот на Јунајтед, Ерик Тен Хег, рече дека сочувствува со Гвардиола:

„Разбирам дека е тешко за ривалите да прифатат“, а потоа продолжи:

„Секако дека сето тоа е збунувачки, но според правилата – тој не ја допре топката, не учествуваше во акцијата и тоа е регуларен гол.“

Дитмар Хаман, легендарниот играч на германската репрезентација, Баерн Минхен и Манчестер Сити, а денес активен фудбалски тренер, фрустративно реагираше на својот Твитер профил:

“Како е можно ова да е регуларен гол? Ова е најсмешната одлука што сум ја видел! Вратете ни го фудбалот”.

Еве дел од коментарите на социјалните мрежи кои експлодираа по голот на Бруно Фернандеш:

„Голот на Бруно Фернандеш е регуларен? Ајде, веќе ми се смачи од тоа…

Навивачите на Арсенал се радуваат додека играчите на Сити се жалат на овој гол.

Нема да лажам, дека голот на Бруно беше офсајд, но знаете што…

Тој гол требаше да биде поништен. Тоа беше застрашувачки лоша одлука.

Овој гол ја смени целата игра и го оддалечува Сити од Арсенал, но фрустрирачки е да се види уште една лоша арбитража. Рашфорд не ја допре топката, но неговата серија и градба ги спречи дефанзивците на Сити да ја освојат. Тоа навистина го одвлекува вниманието.

Првиот гол му овозможи на Рашфорд да го постигне вториот, а „црвените ѓаволи“ успеаја да го задржат тоа водство до крајот“.