Поранешни станари на исчезнатата Србинка: „Ана беше во психички хаос. Таа често го омаловажуваше својот сопруг“

Поранешните станари на исчезнатата Белграѓанка Ана Волш и нејзиниот сопруг Брајан проговорија за Ана, нејзината личност и однесување кон сопругот. Според нивните изјави, Ана била глава на семејството, а кога не и биле работите по нејзино, имала изливи на гнев и се однесувала како лудак.

Мик и Манди Силва, поранешни станари на Ана и Брајан, за CBS тврдат дека Ана доживеала нервен слом последниот пат кога ја виделе.

Таа беше како сосема поинаква Ана – изјавила Манди Силва и додала дека тоа се случило на крајот на минатиот месец.

Имено, Ана и Брајан решиле да им го продадат станот кој го изнајмувале на Мик и Манда речиси четири години. Потоа имало дискусија, а Ана, според нив, била во психички хаос. Мик осум години се грижел за нивните шест имоти во Масачусетс. Во замена за работа плаќале помала кирија. Тој исто така тврди дека сè уште му должат 2.500 долари за работа што ја направил на еден од нивните имоти.

Одговорот на новогодишната честитка е добиен дури на 2 јануари

Тој се осврна и на пораките што им ги праќал на Ана и Брајан на новогодишната ноќ, но одговор добил дури на 2 јануари.

Ми испрати порака во која се извини што веднаш не се јавил бидејќи го изгубил мобилниот телефон. Изјавил дека син му го одзел, а тој дури сега го нашол – се присетува Мик и додава дека дури подоцна, кога дознал дека Ана исчезнала, бил шокиран од одговорот на Брајан. Не можеше да поверува дека не му кажал за исчезнувањето на Ана.

Сега, кога ќе погледне наназад и дел по дел ќе ја состави сложувалката на нивната врска, сфаќа дека Ана е таа која имала предност во семејството.

Ана често го омаловажуваше својот сопруг со коментари од типот дека плаче како мало девојче кога ќе се изгреба и слично. Не ми беше удобно да го слушам тоа, но не можам да кажам колку ова него му пречеше – изјави Мик. Првиот пат кога го запознале, Брајан се претставил како инвеститор. Додека работеле на имотот, тој цело време бил во наметка, а не знаеле дека всушност е во домашен притвор.

Зборувајќи за однесувањето на Ана, Мик и Менди ја споредија со најпознатите жени во светот.

Дали ги познавате Кејт Мидлтон, Меган Маркл или кралицата? Тие се претставуваат и се однесуваат многу професионално, а тоа беше и Ана. Но, кога удиравме со тупаници по масата и рековме дека не се согласуваме со тоа и дека не можат да ни го направат тоа, таа доби слом – се присетува Манди.