Бајден одржа говор среде миса: Ова е решавачки момент за САД и за светот

Претседателот на САД, Џо Бајден денеска им кажа на Американците во животот на Мартин Лутер Кинг помладиот да бараат лекции за да ги премостат нивните разлики и да ја искоренат неправдата.

Бајден со овој гест стана првиот американски претседател кој зборувал на неделната миса во црквата на активист за граѓански права во Атланта.

Бајден зборуваше во баптистичката црква Ебенезер на покана на тамошниот свештеник, демократскиот сенатор Рафаел Ворнок, за фактот дека САД и светот се борат против автократските сили.

„Факт е дека, според мене, стојам овде во критичен момент за Соединетите Држави и светот“, рече Бајден, нарекувајќи го „момент на избор“.

„Дали сме ние луѓето кои избираат демократија наместо автократија“, праша Бајден. „Мораме да ја избереме заедницата наместо хаосот. Дали сме ние луѓето кои ќе ја изберат љубовта наместо омразата? Ова се прашањата на нашето време и затоа сум тука“.

„Кинг се залагаше за гласачко право, рече Бајден, но „мора да запомниме дека неговата мисија беше уште подлабока. Беше духовна. Беше морална“.

Кинг често се прашуваше: „Каде одиме? – изјави Бајден. „Мојата порака до нацијата на овој ден е да одиме напред.“

Денеска ќе беше 94-тиот роденден на Кинг. На 39-годишна возраст, во 1968 година во Мемфис, Тенеси, тој беше убиен од отворениот сегрегационист Џејмс Ерл Реј.

Мартин Лутер Кинг беше американски баптистички свештеник, активист за граѓански права и еден од најголемите водачи за правата на американското црно население. Кинг беше свештеник на црквата Ебенезер од 1960 година до неговата смрт.

„Борбата за душата на нашата нација трае“, рече Бајден во своето посветување на Кинг. „Тоа е постојана борба меѓу надежта и стравот, добрината и суровоста, правдата и неправдата.

Многу претседатели, вклучувајќи го и Бајден, го посетија Ебенезер за да му оддадат почит на Кинг, обично околу неговиот роденден. Но, Бајден е првиот претседател кој зборуваше од говорницата на редовната неделна миса.

Бајден наскоро треба да ја објави својата претседателска кандидатура за следниот мандат.

Тој беше избран за претседател во 2020 година со силна поддршка од афроамериканските гласачи, откако вети дека ќе направи повеќе за расните прашања.