Неколку кражби на грозје, лук и праски од земјоделски имоти годинава во Тиквешкиот регион

Неколку кражби на грозје, лук и праски од земјоделски имоти се евидентирани годинава  во Тиквешкиот регион од страна на полицијата, потврдија за МИА од Секторот за внатрешни работи Велес. 

– Во врска со прашањето, известуваме дека според евиденциите на ОВР Кавадарци, во текот на 2025 година заклучно со 09.10.2025, пријавени се шест кражби од земјоделски имоти, од кои, на подрачје на општина Кавадарци две кражби на грозје, кривични дела казниви по член 235 став 1 од КЗ, две кражби на грозје, кривични дела казниви по член 235 став 2 од КЗ и една кражба на лук, кривично дело казниво по член 235 став 1 од КЗ, а на подрачје на општина Росоман една кражба на праски, кривично дело казниво по член 235 став 1 од КЗ, се вели во пишаниот одговор од СВР Велес.

Според евиденциите на ОВР Неготино, во истиот период, на подрачје на општина Неготино пријавена била една кражба на грозје, кривично дело казниво по член 235 став 2 од КЗ., а на подрачје на општина Демир Капија немало пријавено кражби на земјоделски производи.