ВМРО-ДПМНЕ: Додека Арсовска се снима и посетува театар, Скопје тоне во хаос
Во соопштение од ВМРО-ДПМНЕ, партијата ја критикува градоначалничката Данела Арсовска, нагласувајќи дека додека таа се занимава со активности надвор од својата функција, како што се снимање пред Владата и посета на театар, јавните претпријатија во Град Скопје штрајкуваат, а вработените немаат плати, што го доведува главниот град пред колапс.
Во соопштението се наведува дека ВМРО-ДПМНЕ нема да коментира лични предизвици и здравствената состојба на Арсовска, изразувајќи желба таа да се избори со личните проблеми. Партијата сепак ја критикува нејзината работа како градоначалник, истакнувајќи дека неработењето, грешките и создавањето тензија со политички и други влијателни структури оставиле последици врз функционирањето на градот.
„Очигледно и беше преголем товар и не се снајде, правејќи грешки, неработејќи и создавајќи тензии и соработка со најголемите бандити и криминалци од ДУИ“, се вели во соопштението. Партијата додава дека направила грешка во проценката за нејзиниот мандат, но најавува дека Скопје го чекаат нови проекти и работа по завршувањето на овој период.
Исто така, ВМРО-ДПМНЕ најавува дека по завршување на мандатот на Арсовска ќе се спроведе детална ревизија на работењето, за јавноста и институциите да ги увидат причините за одредени настани и однесувања.
Следете не, не има насекаде
