Уапсено 23-годишно момче кое му го запали џипот на Бака Прасе

Српската полиција го уапси З.Р. (23) под сомнение за сторено кривично дело обид за изнуда и предизвикување општа опасност.

Момчето е осомничено за намерно предизвикување пожар на возилото „Mercedes G 800 Brabus“ од половина милион евра на инфлуенсерот Богдан Илиќ, попознат како Бака Прасе, на 16 февруари околу 3:26 часот наутро на улицата Херцеговачка.

Според достапните информации, внатрешноста на возилото е целосно уништена, а топлината ги скршила и прозорците. Бака прасе го купи скапиот автомобил, кој го нарече „бесна машина“, пред три години, и еднаш изјави дека се кае за купувањето.