Апасиев со барање до Уставен суд бидејќи Талат Џафери „не дозволува“ референдум за францускиот предлог
<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>
Од Левица посочуваат дека по барање на Апасиев, Уставниот суд веќе оформил предмет и е должен да одлучува во скратена постапка.
Според партијата, претседателот на Собранието, Талат Џафери, ја суспендирал демократијата и ги крши Уставот и законите, бидејќи не дозволува референдумско изјаснување за т.н. „француски предлог“.
„Талат Џафери и покрај јасните деловнички обврски, одбива да ја проследи иницијативата за референдум поднесена од Димитар Апасиев до надлежните собраниски работни тела и незаконски ја узурпира надлежноста на пленумот на Собранието, арбитрарно и малициозно прогласувајќи ја иницијативата за неуредна“, се наведува во соопштението.
Со ова, според Левица, „нелегално дејствие“, претседателот на Собранието оневозможува „граѓаните директно да се изјаснат за прашање кое е клучно по иднината на Република Македонија, еклатантно кршејќи го Уставот и загрозувајќи го владеењето на правото и демократијата во Републиката!“.
„Очекуваме Уставниот суд да се издигне над политичките притисоци од власта и да застане во одбрана на уставниот поредок на Република Македонија, со што ќе го задолжи Џафери да постапи согласно неговите уставни, законски и деловнички обврски и ќе овозможи собирање на потребните 150.000 граѓански потписи за распишување на референдум на државно ниво“, се додава во соопштението на Левица.
Следете не, не има насекаде
