КАФЕТО СО ОВАА ЗДРАВА НАМИРНИЦА Е НОВ ХИТ ВО СВЕТОТ: Обидете се да го направите

Кафето од брокула звучи примамливо, нели? Како што пренесува objektiv.rs, оваа неочекувана мешавина е дизајнирана во Австралија, додека научниците се воделе само од најдобрите намери. Интересот за здрав начин на живот и правилна исхрана само се зголемува од година во година, но во исто време, луѓето сè уште често не можат да ја јадат препорачаната количина зеленчук. Брокулата како пијалок ќе помогне да се пополни таа празнина.

За овој пијалок не ви треба свежа брокула, бидејќи ова не е смути. Прво треба да се исуши зеленчукот, а потоа да се сомеле во ситен прав, кој се додава во кафето. Освен тоа, само две лажици од овој зелен прав имаат нутритивни вредности кои ќе ви помогнат да ги внесете сите потребни елементи во вашето тело. Има уште еден силен аргумент во прилог на новото „зелено“ кафе – ретко кој јаде редовно брокула. Овој зеленчук е гостин на трпезата само одвреме-навреме, а кафето е многу попопуларно.

Ако ви е тешко да замислите кафе од брокула, можете да започнете со други опции. Брокулата во прав е дефинитивно здрава – и може да биде интересна состојка во истото смути, како додаток на пирето од житарки или авокадо. Овој прав може да се чува многу подолго од обичниот зеленчук, а полето за експериментирање со вкусови и јадења сега е многу поголемо.