Вечерва сообраќајка на три возила на „Партизанска“, повреден мотоциклист

Сообраќајна несреќа се случи попладнево на булеварот „Партизански одреди“, пред раскрсницата со улицата „Франклин Рузвелт“ во Скопје.

Според фотографиите од местото на настанот, во незгодата учествувале две патнички возила и еден мотоцикл. Неофицијално, лицето кое управувало со мотоциклот се здобило со повреди и му била укажана помош.

Полициски екипи се на терен, го обезбедуваат просторот и вршат увид за утврдување на причините за несреќата. Сообраќајот во овој дел од градот се одвива отежнато.

Детални информации се очекуваат по завршување на полицискиот увид.