Русија има план? „НАТО мора да се подготви“

Заменик генералниот секретар на НАТО Мирчеа Џоан, денеска изјави дека Русија се подготвува за продолжена војна.

Тој изјави дека Алијансата затоа ќе мора да се подготви да ја поддржи Украина „на долг рок“ онолку долго колку што е потребно.

На состанокот на Воениот комитет на началникот на одбраната со военото раководство на Алијансата, Џоан рече дека земјите од НАТО мора да инвестираат повеќе во одбраната, да го зголемат индустриското производство и да користат нови технологии за да се подготват за идните војни, пренесува Ројтерс.

„Нема индикации дека целите на рускиот претседател Владимир Путин се променети. Годината што претстои ќе биде тешка и ние мора да ја поддржуваме Украина се додека е потребно“, рече Џоан, која тврди дека Русија мобилизирала повеќе од 200.000 дополнителни војници.

Началникот на Генералштабот на американската армија Марк Мили денеска се сретна со главниот воен офицер на Украина, генерал Валериј Залужни, на непозната локација во југоисточна Полска, во близина на украинската граница.

Се очекува тој да им ја пренесе загриженоста на Залужни на другите воени учесници на состанокот.

Средбата на Мили со Залужни беше брзо договорена кога вчера стана јасно дека тој нема да може лично да присуствува на состаноците на НАТО. Се очекува утре да присуствува преку видео конференција.

Портпаролот на Мили, полковникот Дејв Батлер, рече дека Мили планира да ги информира шефовите на НАТО за „тактичките и оперативните услови на бојното поле во Украина и за тоа кои се воените потреби“.