Телото на Србинката Ана уште не е најдено, а сопругот Брајан денеска беше обвинет дека ја убил

Брајан Волш од Масачусетс, кој моментално е зад решетки поради доведување во заблуда на полициската истрага за исчезнувањето на неговата сопруга Ана, е обвинет за нејзиното убиство, соопшти окружниот обвинител во Норфолк.

„Окружниот обвинител на округот Норфолк, Мајкл Морисеј, објавува издавање налог за убиство за смртта на Ана Волш (39), исчезната од Кохасет на или околу Нова година“, се вели во соопштението.

„Налогот беше издаден од Окружниот суд Квинси денес, 17 јануари 2023 година; Читањето на обвинителниот акт може да биде утре во 9 часот, во зависност од достапноста на бранителите“.

Ана Волш, по потекло од Србија, последен пат била видена во раните утрински часови на 1 јануари 2023 година, набргу откако ја прославила Новата година со сопругот и нивниот заеднички пријател Гем Мутлу, пишува Fox News.

Мутлу подоцна изјави за локалната новинска станица VBZ дека „нема никакви индикации за ништо друго освен за новогодишна прослава“.

„Апсолутно немаше индикации дека таа ноќ може да се случи некоја трагедија, исчезнување или нешто друго“, рече тој, пренесува Danas.

Брајан Волш, наводно, ѝ рекол на полицијата дека Мутлу го напуштил изнајмениот дом на парот околу 1:30 часот по полноќ, а неговата сопруга го бакнала за збогум само неколку часа подоцна пред наводно да замине со заедничкиот автомобил.