Турски „Бајрактар“ ќе испорачува дронови за Кувајт во вредност од 370 милиони долари

Меѓународната побарувачка за беспилотните летала „Бајрактар ТБ2“ на Бајкар се зголеми откако беа користени во конфликти во Сирија, Либија и Азербејџан, а интересот дополнително скокна откако украинската војска ги употреби во борбата против руските сили.

„Со Министерството за одбрана на Кувајт е потпишан договор вреден 370 милиони долари за извоз на беспилотни летала ’Бајрактар ​​ТБ2’“, соопштија претставници на „Бајрактар“ без да прецизираат за колку беспилотни летала станува збор и кога ќе бидат испорачани во Кувајт.

„Бајкар“ победи на тендерот, во конкуренција на повеќе компании од Америка, Европа и Кина, во процес што трае од 2019 година, се наведува во огласот. Се додава дека со Кувајт, бројот на земји кои потпишале договори за купување на беспилотни летала „Бајрактар“ е зголемен на 28.