Прашањата за Ф-16 и членството на Финска и Шведска во НАТО не се поврзани

Шефот на турската дипломатија Мевлут Чавушоглу на прес-конференција рече дека на состанокот со Блинкен е разговарано за многу билатерални и регионални прашања, вклучувајќи го и турското барање за купувањето на авионите Ф-16.

Министерот за надворешни работи на Туркије Мевлут Чавушоглу изјави дека неговиот состанок со американскиот државен секретар Антони Блинкен бил многу продуктивен и дека двете страни се согласиле да ја развиваат енергетската соработка.

Чавушоглу и Блинкен одржаа состанок во Вашингтон во рамките на Стратешкиот механизам Туркије-САД.

Шефот на турската дипломатија по состанокот на прес-конференцијата рече дека на состанокот со Блинкен е разговарано за многу билатерални и регионални прашања, вклучувајќи го и турското барање за купувањето на авионите Ф-16.

Чавушоглу истакна дека им предложиле на САД состаноците на Стратешкиот механизам Туркије-САД да се одржуваат најмалку два пати годишно.

Тој нагласи дека детално разговарале за барањето на Туркије за опрема за модернизација на Ф-16 и купувањето на новиот авион Ф-16.

„Ние сметаме дека барањето на Туркије за Ф-16 и членството на Шведска и Финска во НАТО не се поврзани и американскиот Конгрес не би требало да ги прикажува како поврзани прашања“, рече шефот на турската дипломатија.

Чавушоглу рече дека доколку американската администрација биде решителна, противењето на американскиот Конгрес за Ф-16 може да биде надминато.

Во текот на состанокот е разговарано и за прашањето за Сирија.

Чавушоглу рече дека се спремни да соработуваат со САД за да повторно се фокусираат на Сирија, но дека САД не исполниле некои од ветувањата кои и се дадени на Туркије, особено за Мапата на патот од Мунбич.

Договорот за Мунбич помеѓу Туркије и САД е фокусиран на повлекувањето на терористите на ПКК/ЈПГ од градот за да се стабилизира регионот, кој се наоѓа на северниот дел на сириската провинција Алепо.

На прашањето за продажба на авионите Ф-35 на Грција, турскиот министер за надворешни работи рече дека американската политика на рамнотежа помеѓу Туркије и Грција се влошила.

Чавушоглу истакна дека го повикал американскиот државен секретар Блинкен да ја посети Туркије.

TRT Balkan Macedonia