Нов уред дизајниран да им помогне на луѓето сами да го ослободат стресот и напнатоста ја виде светлината на денот.


Iconic Halo е едноставна алатка дизајнирана да ги опушти затегнатите и болните мускули во вратот, вилицата, главата и големите мускулни групи на врвот на рамената. Тоа е цврст, но лесен прстен што корисниците едноставно го лизгаат преку главата и го позиционираат околу вратот како широка јака.

Внатре во прстенот се наоѓаат прецизно водени, заменливи глави за масажа, а уредот доаѓа со три различни големини и облици на додатоци што овозможуваат различни нивоа на притисок и прецизно насочување на точките на болка.

Внатрешните „глави“ вршат директен притисок врз затегнатите мускули, а корисниците можат да го ротираат или движат прстенот околу вратот за да стигнат до тешко достапните места.

Различните големини на додатоците се движат од потесни и поцврсти за длабоки јазли, до пошироки и помеки за општа релаксација. Откако главите ќе се најдат на вистинското место, корисникот нежно ја движи главата или прстенот напред-назад од 30 до 90 секунди. Овака се постигнува лесна, контролирана влечна сила која, според производителот, нежно ги одделува цервикалните пршлени, ги отвора зглобните простори и го намалува притисокот врз дисковите и нервите.

Уредот не користи батерии или апликации, туку сè е во рацете на корисникот, што го прави идеален за употреба насекаде, а креаторот на Halo Ring е американскиот физиотерапевт д-р Мајкл Ванг.