(Видео) Тросар и ВАР-от го доближија Арсенал до титулата

Фудбалерите на Арсенал „на мускули“ го победија Вест Хем со 1:0 во 36-то коло од Премиер лигата. Арсенал сега се на чекор до титулата, а Вест Хем ди преселба во Чемпионшип.

Вест Хем се држеше одлично против „топџиите“ во текот на целиот натпревар, а во 79-тата минута сè можеше да биде повеќе или помалку готово, но играчот од средниот ред на Вест Хем, Матеуш Фернандес, пропушти 100% шанса. Дави Раја веројатно ја забележа одбраната на сезоната во Премиер лигата.

Шпанскиот голман се истакна и во 45-та минута кога го одбрани ударот на Тати Кастељанос.

Во второто полувреме, Играчите на Вест Хем беа тие кои веројатно повеќе заслужија да постигнат гол. Немаа посед на топката на своја страна, но беа поконкретни.

Сепак, следеше казна – Арсенал го прави она по што е познат и успева некако да постигне гол. Овој пат, по ударот на Тросар, топката се одби од Соучек и го измами Хермансон, кој немаше време да реагира.

До крајот на натпреварот, четата на Артета почна да го затвора натпреварот, односно се обидуваше да ја оструира играта, и се чинеше дека ќе успее.

Сепак…

Во 95-та минута, Раја реагира катастрофално на корнерот, топката му „легна“ на Калум Вилсон кој од волеј постигна гол.
Сепак…

Следеше ВАР проверка, околу три минути. Откако во ВАР собата немаа решение, го повикаа судијата Крис Кавана да ја прегледа ситуацијата. Главниот арбитар го понишшти голот.

Арсенал сепак успеа да освои три бода, а сега имаат дуели со Барнли дома и Кристал Палас на гости, и ако ги добијат двата, без оглед на резултатите на Сити, ќе станат шампиони на Англија за прв пат од 2004 година.

Foto/ EPA