Гвардиола им ветил Ролекси на играчите на Барнли ако го сопрат Арсенал

Кулминира драмата во борбата за шампионската титула во Премиер лигата на Англија. Деновиве, тренерот на Манчестер Сити, Пеп Гвардиола, е во центарот на вниманието.

Според англиските медиуми, шпанскиот стручњак наводно им ветил луксузни часовници „Ролекс“ на играчите на Барнли доколку успеат да го сопрат Арсенал во претпоследното коло.

Арсенал е на прагот да ја освои својата прва титула во англиската лига од 2004 година. Тимот на Микел Артета е два бода пред актуелниот шампион Манчестер Сити и му требаат две победи во последните две кола за да го освои трофејот.

Лондонскиот клуб прво ќе го пречека Барнли на 18 мај, а потоа ќе гостува кај Кристал Палас на 24 мај. Барнли веќе испадна од лигата, додека Кристал Палас нема императив во првенството, се подготвува за финалето во Конференциската лига, поради што се верува дека Арсенал има поволен распоред до крајот на сезоната.

Сепак, во Манчестер сè уште не се помириле со евентуалното губење на титулата. Гвардиола се надева дека Барнли би можел да направи изненадување и да ја искомплицира ситуацијата на врвот на табелата.

Овој тим неодамна пружи силен отпор против Манчестер Сити, и успеа да освои бод против Астон Вила, кога ремизираше, 2:2.

Поради ова, се појави информација дека Гвардиола подготвил дополнителна мотивација за играчите на Барнли. Наводно ветил луксузни часовници „Ролекс“ ако успеат да украдат бодови од Арсенал и со тоа да му помогнат на Сити во борбата за нова титула.

Веста предизвика бројни реакции во англиската јавност. Додека некои сметаат дека е медиумско претерување, други истакнуваат дека Гвардиола често користи психолошки трикови за да изврши дополнителен притисок врз конкурентите и да ги мотивира ривалите на своите противници.

Foto/ Depositphotos