РОБЕРТА, КАРМАTA ВЕ СТИГНА! Рама му прекипе во Давос па укажа на лицемерието на ЕУ и нефер односот кон кандидатите за членство

Албанскиот премиер Еди Рама рече дека кога го видел корупцискиот скандал Катергејт, помислил дека Карма стигнала до претседателот на Европскиот парламент , Роберт Мецол .

– Роберта, извини, морам да кажам. Кога се откри корупцискиот скандал, реков: Кармата е кучка – рече Рама вчера на панелот во Давос.

Премиерот на Албанија тврди дека ЕУ бара повеќе од кандидатот за членство, како што е Албанија, отколку од нејзините земји-членки, пренесува Политико.

– Повеќе од половина од земјите членки на ЕУ сега не би можеле да се приклучат на оваа организација. Не зборувам за поранешните комунистички земји, туку и за државите основачи, верувајте – рече Рама.

Според албанскиот премиер, пристапниот процес на земјите кандидати за членство во ЕУ стана „неверојатно нефер и невротичен“ и значително се разликува од процесот низ кој помина Малта, родната земја на Роберта Мецола.

Европскиот парламент моментално е на врвот на корупцискиот скандал Катаргејт, а постои сомневање дека странски влади, вклучително и Катар и Мароко, влијаеле врз работата на оваа европска институција.

Белгиската полиција уапси неколку лица поради Катаргејт, меѓу кои и грчката европратеничка Ева Каили и нејзиниот италијански партнер Франческо Џорџи, како и поранешниот италијански пратеник Пјер Антонио Панцери и Николас Фиго-Таламанка, генерален секретар на кампањата за владеење на правото.

Полицијата, исто така, запечати неколку канцеларии во Европскиот парламент и заплени најмалку 1,5 милиони евра во готовина по, како што велат, едногодишната истрага ширум Европа за наводна корупција и перење пари.